مخرج مسلسل"اتنين غيرنا": "التعاون مع دينا الشربيني خلانا زي العيلة"

 كشف المخرج خالد الحلفاوي، تفاصيل تجربته بمسلسل "إتنين غيرنا" الذي عرض بالنصف الأول من شهر رمضان 2026.  

وقال الحلفاوي: "الجمهور تفاعل جدا مع شخصيات "إتنين غيرنا"وحسوا إنهم قريبين منهم جدا، والعمل مع نجوم كبار زي دينا الشربيني وآسر ياسين بيسهل علينا كتير، لأن خبرتهم بتفرق جدا في تفاصيل الشغل".

وأوضح: "في مشهد استلام نور للجائزة حاولنا نظهر وجعها بعد ما حسن سابها، عشان نوصل فكرة إن حتى في أسعد لحظات المشاهير ممكن يكون فيه ألم مستخبي في الخلفية". 

وتابع الحلفاوي: "التعاون مع دينا الشربيني خلانا فعلا بقينا زي العيلة، ونفسي نعمل جزء جديد من (كامل العدد)، لكن مهم يكون فيه فعلا قصة حلوة".

وأضاف: "اختيار سحر رامي للدور مكنش سهل، لأننا كنا محتاجين حد لسه فيه روح الشباب، وهي كانت مناسبة جدا لشخصية الأم اللذيذة اللي روحها خفيفة.. وحاليا بحضر لمشروع جديد مختلف، بعيد شوية عن الأجواء الرومانسية".

ويخوض بطولة مسلسل "اتنين غيرنا" آسر ياسين ودينا الشربيني، هنادي مهنا، فدوى عابد، نور إيهاب، محسن منصور، سحر رامي، ناردين فرج، باسل الزارو، صفوة، وصابرين النجيلي.